Gammaproteobacterias

Gammaproteobacteria
Vibrio cholerae
Clasificación científica
Dominio: Bacteria Filo: Proteobacteria Clase: Gammaproteobacteria
Ordes
Acidithiobacillales Acidithiobacillaceae Thermithiobacillaceae Aeromonadales Aeromonadaceae Succinivibrionaceae Alteromonadales Alteromonadaceae Celerinatantimonadaceae Colwelliaceae Ferrimonadaceae Idiomarinaceae Moritellaceae Pseudoalteromonadaceae Psychromonadaceae Shewanellaceae Cardiobacteriales Cardiobacteriaceae Chromatiales Chromatiaceae Ectothiorhodospiraceae Granulosicoccaceae Halothiobacillaceae Thioalkalispiraceae "Enterobacteriales" Enterobacteriaceae Legionellales Coxiellaceae Legionellaceae Methylococcales Crenotrichaceae Methylococcaceae Oceanospirillales Alcanivoracaceae Hahellaceae Halomonadaceae Litoricolaceae Oceanospirillaceae Oleiphilaceae "Saccharospirillaceae" Pasteurellales Pasteurellaceae Pseudomonadales Moraxellaceae Pseudomonadaceae "Salinisphaerales" "Salinisphaerales" Thiotrichales Francisellaceae Piscirickettsiaceae Thiotrichaceae "Vibrionales" Vibrionaceae Xanthomonadales Sinobacteraceae Xanthomonadaceae

As gammaproteobacterias ou Gammaproteobacteria (ás veces escrito gamma-proteobacterias ou proteobacterias gamma) son un grupo de bacterias gramnegativas considerado unha clase dentro do filo Proteobacteria. Comprende bacterias importantes desde o punto de vista médico, ecolóxico e científico, como as Enterobacteriaceae (Escherichia coli), Vibrionaceae e Pseudomonadaceae. Un gran número de patóxenos importantes pertencen a esta clase, como por exemplo, Salmonella (enterites e febres tifoides), Yersinia (peste bubónica), Vibrio (cólera), Pseudomonas aeruginosa (infeccións pulmonares hospitalarias ou que afectan a pacientes de fibrose quística), e Klebsiella pneumoniae responsable de causar pneumonías. Tamén comprende un xénero que leva o nome de Galicia, Gallaecimonas.

Membros do xénero Chromatium son fotosintéticos e utilizan o sulfuro de hidróxeno en troques da auga na súa fotosíntese, expulsando xofre. Algunhas Gammaproteobacteria oxidan metano, e moitas delas viven en simbiose con animais que habitan chemineas oceánicas xeotérmicas.^[1]

1. ↑ R. Holt, Jack. "INTRODUCTION TO THE GAMMAPROTEOBACTERIA". Arquivado dende o orixinal o 21 de agosto de 2008. Consultado o 29 de xuño de 2012.